Шаббатын үдээс хойш
Паулын үед хүмүүс үхэгсдээс амилна гэсэн үзлийг үгүйсгэдэг хүмүүс байсанд өнөөгийн бид гайхах хэрэггүй юм. Эцсийн эцэст, тэр үеийн хүмүүс үхэл хүний биеийг ямар аймшигтайгаар доройтуулж, алга болгодгийг харж байсан шүү дээ. Тэд цогцос хэрхэн хавагнаж, дараа нь хатаж тоос шороо болж, эцэстээ бараг юу ч үгүй болдгийг мэддэг байв. Мөн хүмүүс олон жилийн өмнө нас барсан гэдгийг ч мэдэж байсан. Үнэндээ ихэнх хүмүүс амьд байсан цаг хугацаанаасаа илүү цаг хугацаанд үхсэн байдалтай байдаг.
Тиймээс хүний үзэл бодлоор үхэгсдийг дахин амилуулна гэдэг бол өнөөдрийн хүмүүсийн бодож байгаа шиг боломжгүй зүйл мэт санагдаж байжээ. Паулын ийм асуултанд хариу өгөх ёстой байсан нь гарцаагүй. Энэ бол үнэхээр чухал асуудал байв. Хэрэв Есүс дахин амилаагүй бол Тэр Өөрийн хэлсэн Тэр хүн биш болж таарах байв. Загалмайн үхэл ямар ч үр нөлөөгүй болж, бидний гэм нүглийн төлөөс төлөгдөөгүй хоцорсон гэсэн үг болно. Тэгвэл бид бүхэн зөвхөн итгэл надеваргүй болж цөхрөх л байсан байх. Харин бидний Эзэн дахин амилсан, Тэрээр тэнгэрт өргөгдөж, биднийг гэртээ аваачихаар дахин ирнэ гэж амласан!
Энэ долоо хоногийн хичээлээр бид 1 Коринт 15-р бүлэг болон Христийн дахин амилалтын тухай сургаалд анхаарал хандуулна. Эргэн тойрны харийн (паган) үзлээс болж Коринт дахь зарим хүмүүс “дахин амилалт гэж байхгүй” хэмээн үзэж байв. Паул энэ бүхний хариуд Христийн амилалт бол бидний авралын цорын ганц итгэл найдвар юм гэдгийг батлан харуулсан байдаг.
*Энэ хичээлийг 8 сарын 22-ны Шаббатад бэлтгэн судлаарай.
